METASTIG: Pinoy. Astig.

Naglabas ang Puma ng malulupit na bisikleta gawa ng Danish product design supergroup na Kibisi. Maporma ang mga bike at layon ng Puma na "i-redefine" ang "urban ride", kung ano man ang ibig sabihin non, hindi ko alam.

Ngayon na pwede nang magdala ng bike sa loob ng LRT 2 ang sarap sanang magkaroon ng ganito at maglibot-libot lang sa Maynila. Sana lang hindi ka maholdap.

Iba-iba ang models ng Puma bikes: may pang babae, may natitiklop, mayroong may basket sa harap, at lahat sila...MAHAL. May ilang mga customization options online para bago mo padeliver, oks na siya! Pwede mo palitan ng kulay, pwede ka pumili nag accessories, etc.

Hindi pa siya available for shipping dito sa Pilipinas, pero kung sabay-sabay tayong lulundag, papalakpak, at magkakamot ng ulo baka sakaling magpadala ang Puma ng mga sample dito. O...ready? Tara! [puma]

Ang designer toy na Robotars ay mga robotic tarsiers na ginawa ni super creative architect-artist Jomike Tejido. Si Jomike din ang gumawa ng mega astig na Foldabots (folding robots! o-hah!).

Nirelease na ni Jomike ang mga alagad niyang tarsiers para bigyang pansin ang patuloy na pagkasira ng ating environment. Panoorin sa video ang ilang samples ng mga custom Robotars na ginawa ng iba't-ibang mga local Filipino artists. Kung mahilig kang mag-custom ng mga toys, tirahin mo na yang mga tarsiers na yan!

Tapos pwede niyong laruin ang Robotars video game dito.